Boqortooyadda Sucuudiga Oo Fasaxaysa Baasaaboorka Somaliland In Lagu Tago Xajka

Hargeysa, Somaliland June 18, 2017 (Saxafi) – Wararka ka imanaya dalka boqortoyadda Sucuudi Arabiya ayaa sheegaya in baasaaboorka Somaliland ay ogolaadeen in lagu taggi karro waddamada Sucuudiga iyo Isu-taga Imaaraadka Carabta UAE.

Ma jiro war rasmi ah oo ay xukuumaddaha Somaliland, Sucuudi Arabiya iyo Imaraadka Carabta midkoodna kaga hadley, hase yeeshee xogo dibloomasiyadeed oo wargeyska Saxafi helay ayaa sheegaya in dowladdaha boqortooyadda Sucudi Arabiya iyo Imaraadka Carabtu ay sidoo kale Somaliland ka caawin doonaan qalabka la socodka diyaaradaha hawada sare ee loo yaqaan Radar-ka, isla markaana ay balan qaadeen inay saraakiil reer Somaliland ah oo hawsha qabta ay ku tababari doonaan dalka Imaraadka.

Waxa kale oo ay wararku intaas ku darayaan in dawladda boqortooyadda Sucuudigu qorshaysay in ay Somaliland marka hore u ogolaato in baasaaboorkeeda loogu safri karro, gaar ahaan cumradda iyo Xajka, laakiin, weli waxaan cadayn xiliga ay hawshaas bilaabayso. Xogaha aanu helayna ma ay cadaynin waqti.

 Mar aanu isku daynay inaanu arrintan wax ka waydiino wasiirka wasaaradda arrimaha dibadda Dr. Sacad Cali Shire oo Wariyayaal ka socda Wargeyska Saxafi ay kula kulmeen hudheelka Ambassador shalay ayaa ka gaabsaday inuu wax jawaab ah ka bixiyo wararkan la isla dhexmarayo ee muujinaya in xidhiidhka waddamada Khaliijka ee raacsan Sucuudiga iyo Somaliland kor u kacay, ka dib cunaqabatayntii la saaray Qatar oo Somaliland la safatay dhinacoodda.

Halkan ka soo roggo Cadadkii Saxafi ee soo baxay Axad, June 18, 2017

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s