Safiirkii Dawladda Ruushka U Joogay Dalka Turkiga Oo Xalay Toogasho Lagu Dilay

Ankara, Turkey, December 20, 2016 (Saxafi) – Safiirkii dawladda Ruushka u fadhiyay caasimadda dalka Turkiga ee Ankara, ayaa xalay caweysinkii dil toogasho ah lagu dilay.

Safiirka Ruushka ah oo magaciisa la odhan jiray Andrey Karlov, ayaa waxaa bastoolad ku toogtay nin da’diisa lagu sheegay 22 jir, kaas oo ay wararka qaar tibaaxeen inuu Bileyska Turkiga ka tirsanaa balse uu fasax ku maqnaa.

Safiirka Ruushka ayaa la toogtay wakhti uu khudbad ka jeedinayay carwo ganacsatada dalkiisu ku soo bandhigayeen Farshaxanka ay sameeyaan oo lagu qabtay Ankara, waxaana isla goobta isna lagu dilay ninka falkan fuliyay oo ku hubaysnaa bastoolad, isla markaana ku dhawaaqayay markii dilka fulinayey ereyo muujinayey cadho ka dhalatay dagaalka ka socda Suuriya, gaar ahaan magaalada Xalab oo ay ciidamada Ruushku duqeymo ka geystaan iyagoo taageeraya xukuumadda Bashaar Al-Asad.

Arrintan ayaa ku soo beegmay wakhti ay u balansanaayeen dalalka Ruushka, Iiraan iyo Turkiga kulan lagaga arrinsanayo xaaladda dagaal ee ka aloosan Suuriya.

Dalalka Turkiga iyo Ruushka ayaa hore isugu maandhaafay diyaarad dagaal oo dalka Ruushku lahaa oo ciidamada difaaca cirka Turkigu soo riddeen, hase yeeshee labada dal ayaa u muuqday kuwo ka heshiiyay arrintaas oo isku soo dhowaanaya intii ka dambaysay inqilaabkii dhicisoobay ee la doonayey in xilka lagaga tuuro Madaxweynaha Turkiga taas oo ay dawladda Ruushku si toos ah isku barbar taagtay dawladda Turkiga, halka dawladaha reer galbeedkana lagu eedaynayey inay inqilaabkaas taageerayeen.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s