Mudanayaal ka Tirsan Baarlamaanka Midowga Yurub Iyo Xukuumadda Oo Diyaariyey Qaraar Ku Aadan Qaadiyadda Madaxbanaanida Somaliland La Geynayo Golle Caalami Ah

Brussels, Belgium November 27, 2016 (Saxafi) – Xukuumadda Somaliland iyo mudaneyaal ka tirsan aqalka baarlamaanka Midowga Yurub oo ay kaashanaya khubaro caalami ah iyo garyaaqaano khibrad u leh diyaarinta qaraar sharci oo ku saabsan yahay qaadiyaada madax-bananida Somaliland ayaa la sheegay inay hor gayn doonaan aqalka baarlamanka Yurub qaraar.

 Guddi hoosaadka aqalka midowga Yurub ee dhinaca Horumarinta iyo arrimaha dibadda u qaabilsan ayaa kulan ku saabsan gorfeynta qaraarkan yeeshay bishan November badhtamaheeddii.

War-saxafadeed ka soo baxay xafiiska afhayeenka shirkada Anglo-Somaliland Resources Ltd, Ian Fenwick oo dhinac ka ah diyaarinta qaraarka la filayo in la horgeeyo aqalka baarlamaanka Midowga Yurub kuna saabsan qadiyada Somaliland sida lagu sheegay war-saxaafadeedka, ayaa sheegay in kulan ay yeesheen masuuliyiin xukuumadda ka tirsan oo uu hogaaminayo wasiirka Arrimaha Dibadda Somaliland iyo masuuliyiinta shirkada Anglo-Somaliland resources ltd iyo garyaaqanada, kuwaas oo qorshayanayey dejinta iyo gorfeynta istraatijiyada ay u wajihi doonaan qaraarkaasi iyo mooshinkaasi loo gudbinayo midowga Yurub.

Mudaneyaasha aqalka Midowga Yurub ee ka soo jeeda dalka Ingiriiska ayaa sanado badan kaga doodi jirey aqalka barlaamanka Midwoga Yurub qadiyada madaxbanaanidda Somaliland. xidhiidh la samaynay afhayeenka shirkada Anglo-Somaliland Resources ltd Ian Fenwick ayaa inoo xaqijiyey qorshahan, in kastoo uu ka cudur daartay inuu faahfaahin ka bixiyo, isaga oo sheegay in aanu ka hor dhacayn.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s