Maalqabeen Sucuudi Ah Oo Hal Milyan Oo Dollar Ku Doonaya Telefoonkii Erdogan Kala Hadlay Shacabkiisa

Maalqabeen u dhashay dalka Sucuudi Arabiya ayaa badka soo dhigay hal milyan oo dollar oo uu ku doonayo, in lagaga iibsho telefoonka Suxufiyada Hande Firat ee telefishanka CNN- laantiisa Turkiga ka hadashaa, ka baahisay muuqaalkii ugu horeeyay ee Madaxweynaha Turkiga Recep Tayyip Erdogan, markii inqilaabkii fashilmay ee 15-kii July qaybo ciidamada dalka Turkigu ku wadeen.

Telefoonka Hande Firat, oo noociisu yahay iPhone6, ayaa qiimaha maalqabeenka Sucuudigu ku doonaya, ka badan tahay kun jeer qiimihiisa caadiga ah ee shirkada Apple ku iibiso marka uu cusub yahay, haddii la isticmaalana kaba sii hoos maraya.

Maal qabeenkan Sucuudiga ah oo lagu magacaabo Saalim Cali Abu Rakaan, ayaa warbaahinta u sheegay inuu la xidhiidhay, suxufiyada Turkiga ah ee telefoonka iska leh, isla markaana uu kala hadlay lacagta uu doonayo inuu ka siisto telefoonkeeda.

Waxa kale oo uu Abu Rakan fariin gaar ah ku baahiyay bogiisa Twitterka, waxaanu sheegay in jacaylka uu hogaamiyaha Turkiga u qabo awgeed uu lacagtan kunka jeer ka badan, qiimaha rasmiga ah ee telefoonka ugu iibsanayo.

Ganacsadahan Reer Sucuudi Arabiya ayaa Telefoonka Xoriyada ku tilmaamay Mobile-ka uu Madaxweyne Erdogan kala hadlay shacabka dalkiisa, kagana codsaday inay u soo baxaan jidadka, oo is hortaagaan inqilaabka, kaas oo sida uu ku doodayo guul la taaban karo oo lagu diirsaday dunida Islaamka ah u soo hooyay sida uu hadalka u dhigay.

Abu Rakan ayaa ka gaabsaday inuu faah faahin ka bixiyo jawaabka kaga soo noqotay Suxufiyada leh telefoonkan ee telefishanka CNN-ta laantiisa afka Turkiga ka shaqaysa, Hande Firat, lagu magacaabo, taas oo sida dhabbta ah daqiiqado gudahood caan kaga noqotay dunida oo dhan. Warbaahinta reer galbeedkuna ku tilmaantay shakhsiyadii todobaadkan ugu saamaynta badnayd dunida.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s