Halista Caafimaad Ee Ka Dhalan Karta In Afurka Aad Cabto Shaah Caanaha Iyo Sonkortu Ku Badan Tahay

Baadhitaankan caafimaad ayaa lagu ogaaday in qofku marka uu maalintii oo dhan soomanaado, ee la gaadho gabal dhaca naftiisu u baahan karto inta badan, sharaab iyo cabitaan, taas oo ka dhalanaysa baahida jidhka oo laga yaabo in dhidid badani ka baxo maalintii ama uu dareemo qalayl, haddaba waxa caado xun ah in qofku cuntada deg deg u cuno ka dibna sharaab kala duwan raaciyo kana danbaysiiyo shaah caano leh.

Daraasadan ayaa sheegtay in haddii qofku sidaa sameeyo uu la kulmayo dhibaato caafimaad oo haleesha, gaar ahaan wadnaha iyo tamar daro ku dhici karta, sida Warbixintan oo muddo dheer la samaynayay lagu ogaaday marka qofku cunto iyo cabitaan badan is raaciyo ka dibna ka daba geeyo shaah caano leh, waxa markiiba dhiigiisa gasha duxda dhiiga ku beeranta ee Cholesterol-ka loo yaqaan, maadadani waxa ay u beerantaa si ka deg deg badan xiliyada kale aanu qofku soomanayn.

Sida baadhistan caafimaad lagu ogaaday shaaha oo faa’iidooyin badan oo caafimaad leh, wakhtiyada kale, waxa afurka dabadii haddii la cabo uu yeeshaa dhibaato caafimaad, laakiin waxa uu qofku cabi karaa shaaha laba saacadood ka dib marka uu afuro, taas oo caafimaadkiisa wax ka tari karta.

Laakiin hadii uu qofku cabo isla marka uu afuro ama goobta afurka dushiisa uu ku cabo, waxa dhici karta in macdano badan iyo baruur jidhku sameeyo taas oo sababi karta in dhiigu dux faro badan yeesho ka dibna hab dhiska wareega jidhku sidii caadiga ahayd u shaqayn kari waayo.

Waxyaabaha ka beermi kara shaah caano leh oo afurka dushiisa lagu cabo ama la raaciyo afurka, ayaa sida warbixintan caafimaad sheegtay waxa ka mid ah, in jidhku iska saari kari waayo suntan dhiiga gasha ee subaga ku beerta ee loo yaqaano, (Toxins), waxa kale oo jidhka ku bata baruurta iyo maadooyinka metalka loo yaqaano (Melt iyo Fats).

Jidhka ayaa sidoo kale awoodiisu yaraataa, taas oo ka dhalata unugyada dhiiga cad cad ee difaaca oo ku hafta tirada badan ee borotiinka soo dhex galay, waxaan inta badan dhacda in firfircoonida qofku yaraato, sidoo kale waxa laga yaaba in madax xanuun iyo lalabo uu qofku dareemo una maleeyo in matag hayo.

Waxa kale oo suura gal ah in qofku dareemo qandho ama u maleeyo in margiyada iyo xubnaha jidhku xanuunayaan, taas oo ah natiijo ka dhalatay khalkhalka ku dhacay habka wareega dhiiga, sidoo kale waxa iyaguna la mid ah marka qofku wakhtiga afurka qaato cabitaano sonkortu ku badan tahay iyo cuntooyinka saliida lagu shiilo, sida saanbuusaha, quraaca iyo waxyaabaha kale ee la shiilo.

Dhamaan cuntooyinka la quuto wakhtiga afurku waa kuwo u muhiim ah jidhka, waayo? Jidhku waxa uu dhawr iyo toban saacadood ka qatanaa cuntada iyo cabitaanka, sidaa awgeed dhamaan qaybaha kala duwan ee jidhku waxa ay isku diyaariyaan sidii ay uga soo kaban lahaayeen hoos u dhaca ku yimi intii uu cabitaanka iyo cunista ka maqnaa, sidaa awgeed waa lagama maarmaan in loo meel dayo oo laga taxadiro cuntooyinka iyo cabitaanada la quudanayo.

Qofka waxa macaan kaga filan, cuntooyinka iyo cabitaanada dabiiciga ah, sida timirta, liin macaanta iyo khudaarta kala duwan wixii uu ka helo, waana in uu ka fogaado quudashada cabitaanada sonkorta badan leh ama kuwo borotiinka badan sida shaaha caanaha leh oo marka sonkorta, caanaha iyo shaaha la isku dhex kariyo ama iyaga oo kulul la isku wada daro, ka dibna falaash lagu shubo isku rogi kara kuwo hodan ku ah, borotiinka ama dux badan dhalin kara.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s