Malaayiin Faanuuska Ramadanta Ah Oo Tumaalada Masar Dunida U Dhoofiyeen Oo Iibkoodu Kor U Qaaday Dhaqaalaha

Inta badan dadka carabta ayaa marka la gaadho bisha barakaysan ee Ramadan dhaqan u leh, isticmaalka Faanuuska Ramadanta kaas oo ah mid si dabiici ah gacanta loogu sameeyo, waxaanu waddamada carabta intooda badan ka yahay astaan ka mid ah astaamaha bisha barakaysan ee Ramadan.

In kasta oo koronto habeen iyo maalinba shaqaysa inta badan laga isticmaalo dunida carabta, haddana Faanuuska Ramadantu waa mid lagama maar maan ka ah dhaqanka dadka carabta.

In kasta oo sanadihii ugu danbeeyay warshadaha waddamada bariga qaarada Eeshiya sida Shiinaha, Hindiya, Indonesia iyo meelo badan oo dunida ah laga soo waariday oo ay qabsadeen suuqyada kala duwan ee carabta, ayaa wacyi gelin badan oo laga sameeyay iyo maal gelin loo fidiyay dadka farsamo yaqaanada Masar, keentay in sanadkan kaliya la iib geliyo faanuusyadooda.

Sida warbixino kala duwan oo laga diyaariyay dhaqaalaha liic liicaya ee dalka Masar lagu sheegay, waxa aad u xoogaystay iibka Faanuusyada Ramadanta ee dalka Masar, kuwaas oo sida wararku sheegayaan iibkoodu gaadhay halkii ugu saraysay abid.

Waxa aad loogu waariday waddamada Khaliijka carabta, Ciraaq iyo kuwa waqooyiga qaarada Afrika ee Makhrib loogu yeedho, kuwaas oo suuqyadooda si wayn looga dareemayo, aadna iibsigoodu u kordhay.

Sida wararka ku saabsan faanuuska tumaalada Masar sameeyaan ee dhiiri gelinta badan loo sameeyay, waxa dibada dalka Masar sanadkan loo dhoofiyay ilaa sadex milyan oo faanuus taas oo boqol jeer ka badan tiradii ay hore u dhoofin jirtay.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s